2017-imi isertitat pillugit tusagassiutinut nalunaarut
2017-imi innuttaasut 14-it sinnerlugit ukiullit agguaqatigiissillugu ilanngaateqanngitsumik isertitaat 245.000 kr.-iuvoq. 2016-imut naleqqiullugu 5.000 kr.-inik amerlanerupput procentinngorlugu 2,2 pct.-ulluni.
Distriktimi Qaanaami innuttaasut isertitaat qaffariaateqarnerpaajusimavoq, inuit isertitaat agguaqatigiissillugit 11.000 kr.-inik 2016-imut sanilliullugu annertuseriarsimavoq, tassa isertitat 8,1 pct.-inik qaffariarsimapput. Taamaakkaluartoq distriktimi Qaanaami isertitat appasinnerpaajupput. 2017-imi isertitat Nuummi qaffasinnerpaapput, tassani agguaqatigiissillugit ilanngaateqanngitsumik isertitat 323.000 kr.-iupput, 3,4 pct.-imik ukiup siulianut sanilliullugu qaffassimallutik.
Distriktini arfineq marlunni agguaqatigiissillugu ilanngaateqanngitsumik isertitat appariarsimapput. Distriktimi Upernavimmi isertitat annikilleriarnerpaajusimapput, tassani najugaqartut agguaqatigiissillugu ilanngaatitaqanngitsumik isertitaat 4,4 pct.-mik appariarsimapput. 2017-imi Upernaviup distriktiani agguaqatigiissillugit ilanngaateqanngitsumik isertitat 165.000 kr.-iupput.
Tabeli 1. 2015-imiit 2017-imut distriktini agguaqatigiissillugit ilanngaateqanngitsumik isertitat
|
2015 |
2016 |
2017 |
Allannguut 2016-2017 |
|
1.000 kr. |
|||
Nuna tamakkerlugu |
229 |
240 |
245 |
2.2 |
Nanortalik.................... |
152 |
160 |
167 |
4.5 |
Qaqortoq..................... |
209 |
216 |
225 |
4.2 |
Narsaq....................... |
182 |
182 |
191 |
4.9 |
Paamiut...................... |
176 |
177 |
185 |
4.2 |
Nuuk......................... |
305 |
312 |
323 |
3.4 |
Maniitsoq..................... |
205 |
220 |
218 |
-1.3 |
Sisimiut...................... |
238 |
250 |
253 |
1.2 |
Kangaatsiaq................... |
141 |
153 |
154 |
0.6 |
Aasiaat....................... |
182 |
193 |
192 |
-0.5 |
Qasigiannguit.................. |
187 |
202 |
206 |
1.9 |
Ilulissat....................... |
214 |
238 |
236 |
-0.6 |
Qeqertarsuaq.................. |
196 |
206 |
203 |
-1.5 |
Uummannaq.................. |
197 |
214 |
209 |
-2.1 |
Upernavik..................... |
159 |
173 |
165 |
-4.4 |
Qaanaaq..................... |
139 |
137 |
148 |
8.1 |
Tasiilaq....................... |
155 |
162 |
170 |
4.8 |
Ittoqqortoormiit................ |
182 |
180 |
174 |
-3.4 |
Najoqqutaq: Kisitsisaataasivik. http://bank.stat.gl/INNP2
Piffissap taassuma ingerlanerani pisiassat annikitsuinnarmik akitsorput, ukiut kingulliit pingasut ingerlaneranni agguaqatigiissillugu ilanngaateqanngitsumik isertitanit annikinnerusumik pisiassat katsorput. Taamaasilluni 2015-imi, 2016-imi aamma 2017-imi isertitat pisissutaasinnaasut qaffapput. Inuit pisinnaanerat annertuseriarpoq, Kalaallit Nunaanni Naatsorsueqqissaartarfiup isertitat pillugit paasissutissiortalerneranit aatsaat taamak isertitat pisissutaasinnaasut qaffasitsigisut titartakkami 1-imi takuneqarsinnaavoq
Titartagaq 1. 2002-miit 2017-imut isertitat pisissutaasinnaasut pillugit naleqqersuut
Najoqqutaq: Kisitsisaataasivik. http://bank.stat.gl/INNP2 aamma Nuna tamakkerlugu naatsorsuutini akinut naleqqersuut.
Innuttaasut isertitaanut paasissutissat itinerusut Naatsorsueqqissaartarfiup maanna saqqummersitaani ”2017-imi isertitat”-ni atuarneqarsinnaapput. Inuit isertitaat, inoqutigiit isertitaat, isertitanit akileraarutit aamma isertitat agguarneri saqqummersitami takuneqarsinnaapput. Isertitanut paasissutissat nammineerluni nalunaarsuiffimmit pissarsiarineqarsimasut saqqummersitamut tunngavigineqarput. Sulinermi akissarsiat kisiisa pinnagit - Isertitat nalunaarutigineqarsimasut tamarmik paasissutissanut ilanngunneqarput. Taamaammat paasissutissat akissarsianut paasissutissanut paarlaanneqassanngillat.
Saqqummersitaq ”2017-imi isertitat”Naatsorsueqqissaartarfiup nittartagaanut www.stat.gl-imut pdf filinngorlugu aaneqarsinnaavoq. Naatsorsueqqissaartarfiup kisitsisaataasivianut bank.stat.gl-imut aamma kisitsisinik sukumiisunik aallertoqarsinnaavoq.
Paasisaqarnerorusuttut uunga saaffiginnissinnaapput: Naatsorsueqqissaartarfiup pisortaa Anders Blaabjerg oqarasuaat 34 57 81 (toqqaannartoq).